9 C
BAKI
03 Dekabr 2020
GÜNİNFO
Image default
İDMAN

“Qarabağ” UEFA-ya müraciət etdi: “Sivasspor”la oyun Bakıda keçirilsin!”

Qarabağ” UEFA Avropa Liqasının I qrupunda IV turun Türkiyə “Sivasspor”u ilə ev oyununu Bakıda keçirmək üçün UEFA-ya müraciət ünvanlayıb.
Sport7.az xəbər verir ki, bu barədə “Report”a Ağdam klubunun baş meneceri Asif Əsgərov məlumat verib.
Klub rəsmisi bildirib ki, artıq qitə futbol qurumu ilə məsələ ətrafında fikir mübadiləsi aparılıb: “Dünən əlaqə saxlayıb, rəsmi müraciət etdik. Bizə dedilər ki, sülh sazişindən sonra vəziyyəti diqqətlə izləyirlər. Yəqin ki, qarşıdakı günlərdə daha dəqiq məlumat veriləcək”.
Bu cür qərarların UEFA İcraiyyə Komitəsinin iclasında verildiyini xatırladan Əsgərov, ilk növbədə, həmin toplantının baş tutmasına nail olmağa çalışdıqlarını söyləyib: “Bilirsiniz ki, komitə əvvəlcədən müəyyən edilmiş tarixlərdə toplaşır. Biz əvvəlcə iclasın keçirilməsinə nail olmağa çalışırıq. Buna görə də qarşı tərəfə tutarlı faktlarla müraciət etmək lazımdır. Bilirsiniz ki, ölkədə hərbi vəziyyət rejimi davam edir. Bütün suallara aydınlıq gələndən sonra ev oyunu ilə bağlı da yekun qərar qəbul olunacaq”.
Qeyd edək ki, noyabrın 26-da keçiriləcək “Qarabağ” – “Sivasspor” görüşü Bakı vaxtı ilə saat 21:55-də start götürəcək. UEFA-nın qərarına əsasən, Ağdam təmsilçisi Azərbaycandakı hərbi vəziyyətlə bağlı ev qarşılaşmalarını neytral meydanda oynamalıdır. “Qarabağ” II turun İspaniya “Vilyarreal”ı ilə matçını (1:3) da İstanbulda “Başakşehir” klubuna məxsus Fatih Terim” stadionunda keçirib.

Bənzər yazılar

DTX xarici ölkəyə casusluq edən ər-arvadı həbs etdi

admin

“Qarabağ”ın Avroliqadakı rəqibləri müəyyənləşdi: İspaniya, İsrail, Türkiyə…

admin

“Mançester Yunayted”in futbolçusu “Roma”da

admin

Kreml “düymə”yə basdı – İrəvandakı səfirlikdə müəmmalı görüş

admin

Türkiyə yığması 15 illik həsrətə son qoydu

admin

Prezident mətbuatla bağlı sərəncam imzaladı – 1 ay vaxt verildi

admin